وزیراطلاعات ونشریات عطااللہ تارڑ نے کہا ہے کہ پاکستانی قوم کی ثابت قدمی اور اتحاد کی فتح پر کل ملک بھر میں یوم تشکر منایا جائیگا۔

انہوں نے آج ایک ویڈیو بیان میں کہا کہ پوری قوم دشمن کی اس جارحیت کے خلاف تاریخی کامیابی پر اللہ تعالیٰ کے حضور سجدہ شکر بجا لائے گی جو بغیر کسی اشتعال کے کی گئی۔

انہوں نے لوگوں سے کہا کہ اپنے گھروں پر قومی پرچم لہرا کر اور شمعیں روشن کرکے خوشی منائیں اور پاکستان کی مسلح افواج کے ساتھ یکجہتی کا اظہار کرتے ہوئے ان شہداء کو خراج عقیدت پیش کریں جنہوں نے مادروطن کے دفاع کے لئے جانوں کا نذرانہ پیش کیا۔