پاکستانی عوام اور افواج پاکستان کو آپریشن بنیان مرصوص اور معرکہ حق میں تاریخی فتح پر خراج تحسین پیش کرنے کیلئے ملک بھر میں کل یو م تشکر منا یا جائے گا۔
کل دن کا آغاز مساجد میں قرآن خوانی اور خصوصی دعاوں سے ہو گا۔
یوم تشکر کے موقع پر وفاقی درالحکومت میں31جبکہ صوبائی دارلحکومت میں21توپوں کی سلامی دی جائے گی۔
کراچی میں قائداعظم اور لاہور میں قومی شاعر علامہ اقبال کے مزار پر گارڈز کی تبدیلی کی تقاریب کا انعقاد کیا جائے گا۔
وفاقی اور صوبائی دارالحکومتوں میں پرچم کشائی کی تقریبات منعقد کی جائیں گی۔
آپریشن بنیان مرصوص کے شہدا کو خراج عقیدت پیش کرنے کے لیے ان کے لواحقین سے خصوصی ملاقاتیں کی جائیں گی۔
یوم تشکر کی مرکزی تقریب کل رات پاکستان مونومنٹ اسلام آباد میں منعقد ہوگی۔
وزیراعظم محمد شہبازشریف تقریب کے مہمان خصوصی ہوں گے جبکہ چیئرمین جوائنٹ چیفس آف اسٹاف کمیٹی اور بری فوج کے سربراہ بھی تقریب کا حصہ ہوں گے۔
