ملک کو معاشی مشکلات سے نکالنے کیلئے حکومت کی جانب سے سمگلنگ کے خلاف آپریشن جاری ہے۔

اِس سلسلے میں ایف سی بلوچستان نارتھ نے دیگر اداروں کے ہمراہ بلوچستان کے مختلف علاقوں میں سمگلنگ کے خلاف کامیاب آپریشن کیا ہے۔رواں ماہ ڈیرہ مراد جمالی، بارکھان، پشین، چمن، ژوب اور نوشکی کے مختلف علاقوں میں غیرقانونی اشیاء کی سمگلنگ کی کوششیں ناکام بنائی گئیں اور بڑی مقدار میں چینی، چھالیہ، ٹائر اور سگریٹ ضبط کئے گئے۔بین الصوبائی سرحد پر تلاشی کے دوران ایک لاکھ بائیس ہزار لیٹر سے زائد ڈیزل کی سمگلنگ بھی ناکام بنائی گئی۔