پاکستان اور آذربائیجان نے دونوں ملکوں کے درمیان موجود دفاعی تعلقات کے مختلف شعبوں میں تعاون کو مزید فروغ دینے پر بات چیت کی ہے۔
اس حوالے سے مفاہمت چیئرمین جوائنٹ چیفس آفس سٹاف کمیٹی جنرل ساحر شمشاد مرزا اور آذربائیجان کے صدر الہام الیو، وزیر دفاع کرنل جنرل حسنوف ذاکر اصغر، وزیر خارجہ جیہون عزیز اوغلو بیراموف، اول نائب وزیر دفاع اور چیف آف جنرل سٹاف کرنل جنرل کریم توفیق اوغلو والیو اور وزیر برائے دفاعی صنعت وگر مصطفی یو کے درمیان ہونے والی ملاقات میں طے پائی ہے۔
بات چیت کے دوران فریقین نے دونوں ملکوں کے درمیان گہرے تاریخ تعلقات کو سراہااور علاقائی سلامتی سمیت باہمی دلچسپی کے اُمور پر تبادلہ خیال ہوا۔
چیئرمین جوائنٹ چیفس آفس سٹاف کمیٹی نے پاکستان اور آذربائیجان کے درمیان فوجی تعاون بڑھانے کی اہمیت کو اجاگر کیا اور امن اور استحکام کے مشترکہ عزم کا اعادہ کیا۔
آذربائیجان کی قیادت نے پاکستان کی مسلح افواج کی پیشہ ورانہ مہارتوں اور قربانیوں کی تعریف کی اور پاکستان کے ساتھ گہرے تعلقات استوار کرنے کے لیے متعدد راستے تلاش کر کے موجودہ تعاون کو وسعت دینے کے لیے یکساں نظریات کو تسلیم کیا گیا۔
