سینیٹ کے ڈپٹی چیئرمین سیدال خان جے یو آئی (ف) کے سربراہ مولانا فضل الرحمن کی رہائش گاہ پر گئے اور ان کی عیادت کی۔

اپنی نیک تمناؤں کا اظہار کرتے ہوئے ڈپٹی چیئرمین نے مولانا فضل الرحمن کی جلد صحت یابی کی دعا کی۔سیدال خان نے حالیہ آئینی ترمیم کیلئے مولانا فضل الرحمن کی حمایت کی تعریف کرتے ہوئے قومی مفاد کیلئے ان کے عزم کو سراہا۔ڈپٹی چیئرمین نے اتحاد کی اہمیت پر زور دیتے ہوئے کہا کہ ملک کو پہلے سے زیادہ ہم آہنگی اور یکجہتی کی ضرورت ہے۔