پاکستان نے کنٹرول لائن پر اپنی فضائی حدود کی خلاف ورزی کرنے پربھارتی کواڈ کاپٹر کو مار گرایا ہے۔

سکیورٹی ذرائع کے مطابق بھمبر کے علاقے مناور سیکٹر میں دشمن نے کواڈ کاپٹر کے ذریعے جاسوسی کرنے کی کوشش کی۔ پاک فوج نے بروقت کارروائی کر کے دشمن کی اس مذموم کوشش کو ناکام بنا دیا۔

یہ واقعہ پاک فوج کی مستعدی، پیشہ ورانہ مہارت اور دفاعی صلاحیتوں کا منہ بولتا ثبوت ہے۔

سکیورٹی ذرائع نے کہا کہ پاک فوج دشمن کی کسی بھی جارحیت کا فوری اور موثر جواب دینے کیلئے ہر دم تیار ہے اور پوری قوم افواج پاکستان کے ساتھ ملکر دشمن کو ہر محاذ پر منہ توڑ جواب دے گی۔