پاکستان اور تاجکستان نے دیرینہ دوطرفہ شراکت داری مزید مستحکم کرنے اور باہمی مفاد پر مبنی تعاون کو وسعت دینے کے لیے مل کر کام کرنے کے عزم کا اعادہ کیا ہے۔
اس عزم کا اظہار نائب وزیراعظم اسحاق ڈار اور تاجکستان کے وزیر خارجہ سراج الدین مہر الدین کے درمیان ٹیلی فون پر گفتگو کے دوران کیا گیا۔
اسحاق ڈار نے رواں ماہ شنگھائی تعاون تنظیم کی سربراہان حکومت کونسل کے اجلاس میں شرکت کے لیے دوشنبے کے دورے کے دوران شاندار استقبال اور مہمان نوازی پر تاجکستان کے وزیر خارجہ کا شکریہ ادا کیا۔
