سندھ کے وزیراعلیٰ سید مراد علی شاہ نے صوبے سے پولیو کے مکمل خاتمے کے لیے اپنی حکومت کے عزم کا اعادہ کیا ہے۔
انہوں نے یہ بات کراچی میں روٹری انٹرنیشنل کے صدر لیری اے لنسفورڈ سے ملاقات کے دوران کہی۔
وزیراعلیٰ نے کہا کہ پولیو وائرس کی منتقلی کے خاتمے کے لیے ایک جامع حکمت عملی پر عمل کیا جا رہا ہے۔
انہوں نے کہا کہ پولیو کے خلاف مہم میں نمایاں پیش رفت ہوئی ہے اور گزشتہ پانچ ماہ کے دوران صوبے میں پولیو کا کوئی نیا کیس سامنے نہیں آیا۔
