صدر آصف علی زرداری نے صدر ALEKSANDR LUKASHENKO کو ساتویں بار بیلاروس کا صدر منتخب ہونے پر دلی مبارکباد دی ہے۔

صدر نے ایک بیان میں اِس اُمید کا اظہار کیا کہ اُن کی قیادت میں پاکستان اور بیلاروس کے درمیان دوطرفہ تعاون مزید مستحکم ہو گا۔صدر نے بیلاروس کے صدر LUKASHENKO کی مسلسل کامیابی اور بیلاروس کے عوام کی فلاح و بہبود کیلئے نیک خواہشات کا اظہار کیا۔

وزیراعظم شہباز شریف نے الیگزینڈر لوکاشینکو کو صدارتی انتخابات میں تاریخی کامیابی کے بعد بیلاروس کا صدر منتخب ہونے پر مبارکباد دی ہے۔

وزیراعظم نے ایکس پر ایک پوسٹ میں مسلسل ساتویں مدت کیلئے صدر منتخب ہونے پر نیک خواہشات کا اظہار کیا۔محمد شہباز شریف نے کہا کہ ہم پاک بیلاروس تعلقات کو مزید مضبوط بنانے کیلئے مشترکہ ویژن کے ادراک کی غرض سے ملکر کام کرتے رہیں گے۔