وزیراعظم شہبازشریف نے پشاور کے علاقے حسن خیل میں ایک کامیاب کارروائی میں پانچ دہشت گردوں کا خاتمہ کرنے پر سکیورٹی فورسز کو خراج تحسین پیش کیا ہے۔

انہوں نے آج ایک بیان میں شہید کیپٹن حسین جہانگیر اور حوالدار شفیق اللہ کے درجات کی بلندی کی دعا کی اور لواحقین سے تعزیت اور ہمدردی کا اظہار کیا۔

وزیراعظم نے کہا کہ سکیورٹی فورسز کے جوانوں نے اپنی زندگیاں داؤ پر لگاکر دہشت گردوں کے خلاف کامیاب کارروائی کی۔

انہوں نے پاکستانی سرزمین سے دہشت گردی کے ناسور کے خاتمے کے عزم کا اعادہ کیا۔شہبازشریف نے کہا کہ پوری قوم کو اپنی بہادر افواج پر فخر ہے۔ انہوں نے کہا کہ قوم شہداء کو خراج عقیدت اورسلام پیش کرتی ہے۔