قومی اقتصادی رابطہ کمیٹی نے ریکوڈک منصوبے کیلئے مکمل تعاون کا یقین دلایا ہے اور اسے انتہائی اہمیت کا حامل منصوبہ قراردیا ہے ۔

ای سی سی نے یہ یقین دھانی آج (منگل) اسلام آباد میں منعقد ہونے والے اجلاس میں کرائی جس کی آن لائن صدارت وزیر خزانہ محمد اورنگزیب نے چین سے کی جہاں وہ باو فورم برائے ایشیا 2025ء میں شریک ہیں۔

ای سی سی نے ریکوڈیک کے حوالے سے پیٹرولیم ڈویژن کی سمری اور اس کے مجموعی ترقیاتی منصوبے میں تبدیلی اورمالی امور کی منظوری دی۔

کمیٹی نے منصوبے کیلئے مکمل تعاون کی یقین دہانی کرائی اور اسے انتہائی اہمیت کا حامل منصوبہ قراردیا ۔