نائب وزیراعظم محمد اسحاق ڈار نے پاکستان اور کینیڈا کے درمیان مختلف شعبوں میں دوطرفہ تعلقات کو مزید مضبوط بنانے کے پاکستان کے عزم کا اعادہ کیا ہے۔
انہوں نے یہ بات پاکستان میں کینیڈا کے ہائی کمشنر سفیر طارق علی خان سے گفتگو کرتے ہوئے کہی جنہوں نے اسلام آباد میں ان سے ملاقات کی۔
اسحاق ڈار نے خطے اور اس سے باہر پائیدار امن کے فروغ کے لیے پاکستان کی مسلسل کوششوں پر بھی زور دیا۔
طارق علی خان نے علاقائی امن کے فروغ کے لیے پاکستان کی کوششوں کے لیے کینیڈا کی جانب سے حمایت اور تعریف کا پیغام پہنچایا۔
