افغانستان کے دور دراز علاقے میں شدید زلزلے سے ہلاکتوں کی تعداد بڑھ کر ایک ہزار ہوگئی ہے اور پاکستان نے امدادی کارروائیوں میں ہرممکن تعاون کا یقین دلایا ہے۔
افغانستان میں گزشتہ شب ملک کے دور دراز سرحدی علاقے میں آنے والے چھ اعشاریہ ایک شدت کے زلزلے سے ہلاک ہونے والے افراد کی تعداد بڑھ کر ایک ہزار ہوگئی ہے۔سرکاری ذرائع کے مطابق سینکڑوں افراد زخمی ہیں اور ہلاکتوں کی تعداد بڑھنے کا خدشہ ہے کیونکہ امدادی کارکن منہدم ہونے والی عمارتوں سے لوگوں کو نکال رہے ہیں۔زخمیوں تک پہنچنے اور ادویات اور خوراک کی فراہمی کیلئے ہیلی کاپٹرز کی مدد لی گئی ہے۔طالبان لیڈر ہیبت اللہ اخون زادہ نے کہا ہے کہ سینکڑوں مکانات تباہ ہوگئے ہیں اورہلاکتیں بڑھنے کا خدشہ ہے۔