پاکستان نے تنازع جموں وکشمیر کے حل کی کوششوں میں مدد دینے کیلئے آمادگی ظاہر کرنے پر امریکہ کے صدر ڈونلڈ ٹرمپ کی تعریف کی ہے۔
دفترخارجہ کے ترجمان شفت علی خان نے ایک بیان میں پاکستان کے موقف کا اعادہ کیا کہ جموں وکشمیر کے تنازع کا کوئی منصفانہ اور دیرپا حل اقوام متحدہ کی سلامتی کونسل کی متعلقہ قراردادوں کے مطابق ہوناچاہیے اوریقینی بنایاجائے کہ اس میں ناقابل تنسیخ حق خودارادیت سمیت کشمیریوں کے تمام بنیادی حقوق کا تحفظ شامل ہو۔
ترجمان نے پاکستان اور بھارت کے درمیان فائر بندی کے حالیہ سمجھوتے میں مدد دینے پر امریکہ اور دوسرے دوست ملکوں کے مثبت کردار کی تعریف کی۔
