پاکستان ورچوئل اثاثہ جات کے ریگولیٹری ادارے کے چیئرمین بلال بن ثاقب نے آج اسلام آباد میں امریکی ناظم الامور نیٹلی بیکر سے ملاقات کی جس میں ڈیجیٹل اثاثہ جات کے لیے پاکستان کے بدلتے ہوئے ریگولیٹری طریقہ کار پر تبادلہ خیال کیا گیا۔

انہوں نے امریکی ناظم الامور کو پاکستان کے ڈیجیٹل اثاثہ جات کے شعبے میں تیزی سے ہونے والی تبدیلیوں اور جدید اور تیز تر ریگولیٹری طریقہ کار کے قیام کے لیے ملکی کوششوں کے بارے میں بتایا۔

بلال بن ثاقب نے کہا کہ پاکستان ڈیجیٹل اثاثہ جات کے شعبے میں جدید اور تیز تر ریگولیٹری طریقہ کار وضع کر رہا ہے۔

انہوں نے کہا کہ پاکستان مالیاتی نظام کے مستقبل کو مدنظر رکھتے ہوئے ڈیجیٹل معیشت کی بنیاد ڈال رہا ہے ۔

ملاقات میں جدت، مالی شفافیت اور ڈیجیٹل معیشت کے مستقبل پر بھی بات چیت کی گئی۔