فائل فوٹو
وزیر پیٹرولیم علی پرویز ملک نے کہا ہے کہ حکومت وسائل کی شدید کمی اور بین الاقوامی سطح پر تیل کی قیمتوں میں تیزی سے اضافے کے باوجود عوام کو پیٹرول کی بلاتعطل فراہمی یقینی بنانے کے لیے تمام ممکنہ کوششیں کررہی ہے۔
انہوں نے آج لاہور میں صحافیوں سے گفتگو کرتے ہوئے کہا کہ تیس سے چالیس ارب روپے تک براہ راست پسماندہ طبقے کو منتقل کیے گئے ہیں جبکہ ریلیف کے طریقہ کار کے تحت اٹھارہ کروڑ روپے پیٹرول پمپوں کو ایک ہی دن میں جاری کیے گئے۔
انہوں نے کہا کہ بیس لاکھ سے زائد رجسٹرڈ شہریوں کی سہولت کے لیے ملک بھر میں سات ہزار چار سو پیٹرول پمپز پر ادائیگیاں کی جا چکی ہیں۔
موسم سرما میں توانائی کی ضروریات کے حوالے سے انہوں نے کہا کہ حکومت ایل این جی کی قلت پر قابو پانے کے لیے اس کی دستیابی کے انتظامات کر رہی ہے۔
