وزیر منصوبہ بندی احسن اقبال نے معیشت کو درست سمت میں گامزن کرنے کے لیے ملک میں مصنوعات سازی کے شعبے کو مضبوط بنانے اور برآمدات پر مبنی صنعتوں کو فروغ دینے کی ضرورت پر زور دیا ہے۔
وہ آج لاہور میں پاکستان انٹرنیشنل آٹو شو سے خطاب کر رہے تھے۔
وفاقی وزیر نے کہا کہ گاڑیوں کی صنعت شاندار نتائج دے رہی ہے اور وہ ملک کے صنعتی شعبے کا اہم حصہ بن گئی ہے ۔
وفاقی وزیر نے کہا کہ پاکستان کو خود کو برآمدات پر مبنی پلیٹ فارم میں تبدیل کرنے اور فرسودہ فارمولوں پر انحصار سے گریز کرنے کی ضرورت ہے ۔
انہوں نے کہا کہ حکومت اور نجی شعبے کو ویلیو ایڈیشن کے فروغ کے لیے مل کر کام کرنا ہو گا۔ انہوں نے مینوفیکچررز کو اس سلسلے میں حکومت کے مکمل تعاون کا یقین دلایا۔
