نائب وزیراعظم اور وزیر خارجہ اسحاق ڈار نے سعودی عرب کے شہر طائف پر حوثیوں کے ڈرون حملے پر گہری تشویش کا اظہار کیا ہے۔
اپنے ایکس ہینڈل پر ایک پوسٹ میں انہوں نے کہا کہ حملے میں ایک یمنی شہری جاں بحق جبکہ ایک سعودی اور ایک پاکستانی شہری زخمی ہوئے جن کی حالت تشویشناک بتائی جاتی ہے۔
نائب وزیراعظم نے کہا کہ پاکستان اس اشتعال انگیزی کی شدید مذمت کرتا ہے جس سے بے گناہ افراد کی جانیں خطرے میں پڑیں اور خطے کے امن و سلامتی کو خطرہ لاحق ہوا۔
اسحاق ڈار نے کہا کہ پاکستان سعودی عرب اور اس کے عوام کے ساتھ مکمل یکجہتی کا اظہار کرتا ہے۔
