مشرق وسطی میں ایران اور امریکہ کے درمیان مبینہ امن معاہدے اور خطے میں قیامِ امن کی کوششوں پر پاکستان کے کردار کو خیبرپختونخوا کے عوام نے سراہا ہے۔
صوبے کے مختلف شہریوں نے کہا ہے کہ پاکستان نے بین الاقوامی سطح پر امن کے فروغ اور سفارتی روابط کی بہتری میں اہم کردار ادا کیا ہے، جس میں فیلڈ مارشل سید عاصم منیر کی کوششوں کو نمایاں اہمیت دی جا رہی ہے۔
شہریوں کے مطابق پاکستان کی امن کوششوں نے نہ صرف خطے میں کشیدگی کم کرنے میں مدد دی بلکہ عالمی سطح پر ملک کے مثبت سفارتی کردار کو بھی اجاگر کیا ہے۔
خیبرپختونخوا کے شہریوں نے کہا کہ پاکستان نے ایک ذمہ دار ریاست کے طور پر جنگ کے بجائے امن اور مکالمے کو فروغ دینے کی کوشش کی ہے۔
ماہرین کے مطابق اگر ایران امریکہ معاہدے میں پیش رفت ہوتی ہے تو اس سے پاکستان کے ایک ممکنہ ثالث اور سفارتی کردار کو عالمی سطح پر مزید تقویت مل سکتی ہے۔
تجزیہ کاروں کا کہنا ہے کہ ایسے سفارتی اقدامات خطے میں استحکام اور تعاون کے نئے مواقع پیدا کر سکتے ہیں۔
