گورنر خیبر پختونخوا فیصل کریم کنڈی نے کہا ہے کہ ڈیرہ اسماعیل خان ایئرپورٹ پر تجارتی سرگرمیوں کی بحالی کے لیے کوششیں تیز کر دی گئی ہیں۔
انہوں نے ڈیرہ اسماعیل خان ایئرپورٹ کے دورے کے دوران کہا کہ ترقیاتی کام مکمل ہونے کے بعد یہ سہولت جلد اے ٹی آر طیاروں کے لیے فعال کر دی جائے گی۔
دورے کے موقع پر پاکستان ائرپورٹس اتھارٹی کے حکام نے انہیں ہوائی اڈے کی موجودہ صورتحال اور بحالی کے جاری اقدامات پر بریفنگ دی۔
میڈیا سے گفتگو کرتے ہوئے انہوں نے بتایا کہ رن وے کی کارپٹنگ مکمل ہو چکی ہے جبکہ باقاعدہ پروازوں کی بحالی کے لیے کام جاری ہے۔
