صدر آصف علی زرداری اور وزیراعظم شہباز شریف نے جمہوری طرز حکمرانی اور پاکستان کے آئینی نظام کے بنیادی اصولوں سے وابستگی کا اعادہ کیا ہے۔
اپنے الگ الگ پیغامات میں انہوں نے کہا کہ جمہوریت شہریوں کو ان کی زندگیوں پر اثرانداز ہونیوالے فیصلوں میں موثرآوازفراہم کرتی ہے اورحکومت کوعوام کے سامنے جوابدہ بناتی ہے۔
صدر نے کہا کہ انیس سو تہتر کا آئین ہمارے جمہوری نظام کی بنیاد اور وفاق کو متحد رکھنے کا ضامن ہے۔
وزیراعظم نے کہا کہ پارلیمنٹ ملک کا مرکزی جمہوری ادارہ ہے جو عوام کی آواز اور ان کی امنگوں کی عکاسی کرتا ہے۔
