نیشنل کانفرنس کے صدر فاروق عبداللہ نے بھارتی حکومت پر زور دیا ہے کہ وہ جمہوریت کے مفاد میں بھارت کے غیر قانونی زیر قبضہ جموں و کشمیر کی خصوصی حیثیت بحال کرے۔
انہوں نے سری نگر میں جاری ایک بیان میں نئی دہلی کے پانچ اگست دو ہزار انیس کے فیصلوں کو بڑی غلطی قرار دیتے ہوئے کہا کہ مودی حکومت جتنی جلد اس غلطی کو درست کرے گی، جمہوری نظام کیلئے اتنا ہی بہتر ہوگا۔
انہوں نے کہا کہ نیشنل کانفرنس یہ مطالبہ پورا ہونے تک اپنی جدوجہد جاری رکھے گی۔
