وزیرصحت سید مصطفی کمال نے پولیو سے بچائو کے قطرے پلانے کے حوالے سے پائی جانے والی غلط فہمیوں کو دور کرنے اور پولیو ویکسینیشن کی اہمیت کے بارے میں لوگوں میں شعور اجاگر کرنے پر زور دیا ہے۔

انہوں نے آج (پیر) اسلام آباد میں ایک پریس کانفرنس سے خطاب کرتے ہوئے کہا کہ رواں سال کے دوران پاکستان میں پولیو کے چھ کیسز کی تشخیص ہوئی ہے۔

انہوں نے کہا کہ آئندہ پیر سے ملک میں سات روزہ انسداد پولیو مہم شروع ہوگی جس کے دوران چار لاکھ سے زائد پولیو ورکرز فرائض انجام دیں گے۔

وفاقی وزیر نے رواں سال کے آخر تک ملک سے پولیو وائرس کو ختم کرنے کا عزم ظاہر کیا۔