وزیر منصوبہ بندی احسن اقبال نے خواتین میں اینیمیا اور بچوں میں خوراک کی کمی کے مسئلے سے فوری طور پر نمٹنے کے لیے تمام صوبوں میں خصوصی ٹاسک فورسز قائم کرنے پر زور دیا ہے۔
وہ آج اسلام آباد میں خواتین، نوعمر لڑکیوں اور بچوں میں خون کی کمی کے مسئلے سے نمٹنے کے قومی منصوبے برائے دوہزار پچیس تا دوہزار تیس کی افتتاحی تقریب سے خطاب کر رہے تھے۔
احسن اقبال نے کہا کہ خواتین، لڑکیوں اور بچوں کی صحت، تعلیم اور فلاح و بہبود پر سرمایہ کاری پاکستان کے انسانی سرمائے کو مضبوط بنانے اور پائیدار اقتصادی ترقی کے حصول کے لیے ضروری ہے۔
احسن اقبال نے دوہزار تیس تک خواتین اور نوعمر لڑکیوں میں خون کی کمی کی شرح پچاس فیصد کم کرنے کے حکومتی عزم کا اظہار کیا۔
