ملک میں چھوٹے صوبوں اور انتظامی یونٹس کے قیام کے حوالے سے ہر طبقہ فکر کے لوگ کھل کر اظہارِخیال کررہے ہیں۔
جنوبی خیبرپختونخوا کے شہریوں نے بھی ڈیرہ اسمٰعیل خان اور ملحقہ علاقوں پر مشتمل صوبے کے قیام کیلئے آواز بلند کی ہے۔
ڈیرہ اسمٰعیل خان کے شہریوں نے اس حوالے سے بات چیت کرتے ہوئے کہا کہ ڈیرہ اسمٰعیل خان میں صحت اور تعلیم کی بہترسہولیات نہ ہونے پر لوگوں کو ملتان، پشاور اور اسلام آباد جانا پڑتا ہے۔ انہوں نے کہا کہ اگر ڈیرہ اسمٰعیل خان الگ صوبہ ہوگا تو یہاں فنڈز آئیں گے، ہسپتال بہتر اور سیکیورٹی کے مسائل بھی حل ہوں گے۔
