بے نظیر انکم سپورٹ پروگرام کی چیئرپرسن سینیٹر روبینہ خالد نے کہا ہے کہ اگلے سال سے بی آئی ایس پی سپانسرشپ پروگرام سے مستفید ہونیو الوں کیلئے سہ ماہی قسط دس ہزار پانچ سو سے بڑھا کر تیرہ ہزار روپے کردی جائے گی۔
سکردو میں صحافیوں سے گفتگو کرتے ہوئے انہوں نے کہا خواتین کو مختلف ہنرسکھانے کیلئے بے نظیر سکلز پروگرام شروع کیاجارہا ہے جس سے وہ باعزت طریقے سے روزگار کمانے کے لائق ہوسکیںگی۔
انہوں نے کہا سکالر شپ پروگرام سے ترانوے لاکھ مستحقین مستفید ہورہے ہیں اور دو ر دراز علاقوں سمیت ہرجگہ رجسٹریشن کا عمل جاری ہے۔
