منصوبہ بندی، وترقی اور خصوصی اقدامات کے وزیراحسن اقبال نے کہا ہے کہ پاکستان کے بہتر معاشی مستقبل کے لئے زرعی ترقی ناگزیر ہے۔
انہوں نے یہ بات اتوار کے روز لاہور میں خوراک ، مہمان نوازی اور مشروبات کی سولہویں بین الاقوامی صنعتی نمائش اورکانفرنس سے خطاب کرتے ہوئے کہی۔
انہوں نے پاکستانی مصنوعات کو بین الاقوامی منڈی میں پیش کرنے میں اس نمائش کی اہمیت کو اجاگر کرتے ہوئے برآمدات بڑھانے کے لئے حکومت کے عزم کا اعادہ کیا۔
احسن اقبال نے پاکستانی مصنوعات کو بین الاقوامی معیار کے مطابق بنانے اور انہیں دنیا بھر میں فروغ دینے کی ضرورت پر زور دیا۔
احسن اقبال نے ملکی ترقی کیلئے پالیسی میں تسلسل کی اہمیت کو بھی اجاگر کیا ۔
