کابینہ کی اقتصادی رابطہ کمیٹی نے گیارہ ارب ساٹھ کروڑ روپے کے اقدامات کی منظوری دی ہے۔

کمیٹی کا اجلاس آج اسلام آباد میں ہوا، جس میں شنگھائی تعاون تنظیم کے سربراہ اجلاس کے دوران سربراہانِ مملکت کی آمدورفت کے لیے تیس بلٹ پروف گاڑیوں کی خریداری کے لیے چھ ارب ساٹھ کروڑ روپے کی منظوری دی گئی۔ یہ اجلاس آئندہ سال ستمبر میں پاکستان میں ہوگا۔

اقتصادی رابطہ کمیٹی نے دانش سکولز اتھارٹی فنڈ کے لیے پانچ ارب روپے ابتدائی رقم کے طور پر فراہم کرنے کی بھی منظوری دی۔