وزیرخارجہ بلاول بھٹو زرداری نے کہاہے کہ پاکستان اورعراق کے درمیان اقتصادی اور تجارتی تعلقات کو فروغ دینے کے وسیع امکانات موجود ہیں۔بغداد میں پاک عراق بزنس فورم سے خطاب کرتے ہوئے وزیرخارجہ نے کہاکہ ضرورت اس امر کی ہے کہ دونوں ممالک اپنے دوستانہ تعلقات کو شراکت داری میں تبدیل کریں۔انہوں نے یقین دلایا کہ پاکستان عراق کے ساتھ تمام شعبوں میں تعاون کرے گا تاکہ تاجربرادری تجارت اورسرمایہ کاری کے شعبوں میں دستیاب مواقع سے فائدہ اٹھاسکے۔

اس موقع پر پاکستان اورعراق کے صنعت وتجارت کے ایوانوں کے درمیان مفاہمت کی ایک یادداشت پربھی دستخط کئے گئے۔مفاہمتی یادداشت سے دونوں ممالک کی کاروباری برادری کے درمیان رابطوں کے قیام میں سہولت ملے گی۔