قائم مقام چیئرمین سینیٹ سیدال خان نے برطانوی کاروباری افراد کو پاکستان میں سرمایہ کاری کے مواقع تلاش کرنے کی دعوت دی ہے۔

انہوں نے اسلام آباد میں برطانوی ڈپٹی سپیکر اور ان کے وفد سے ملاقات کے دوران کہا کہ ہمارے ملک میں بیرونی سرمایہ کاروں کیلئے سازگار ماحول ہے۔

سیدال خان نے برطانوی تاجروں اور کمپنیوں سے کہا کہ وہ پاکستان کے توانائی، ٹیکنالوجی اور صنعتی شعبوں میں سرمایہ کاری کریں تاکہ دونوں ممالک کے درمیان اقتصادی تعاون میں اضافہ ہوسکے۔

انہوں نے برطانوی وفد کو اہم تجارتی مرکز کے طور پر گوادربندرگاہ پر بھی بریفنگ دی جہاں بین الاقوامی سرمایہ کاروں کیلئے وسیع مواقع موجود ہیں۔

برطانوی ڈپٹی سپیکر نے پاکستان کے جمہوری عمل کی تعریف کی۔