توانائی کے وزیر اویس احمد لغاری نے کہا ہے کہ حکومت عوام کو بجلی کے بلوں میں زیادہ سے زیادہ ریلیف فراہم کرنے کیلئے تمام ممکنہ اقدامات کر رہی ہے۔
نجی ٹیلی ویژن چینل سے گفتگو کرتے ہوئے انہوں نے کہا کہ آئی پی پیز کے ساتھ بات چیت جاری ہے اور قوم جلد اس حوالے سے اچھی خبریں سنے گی۔
انہوں نے کہا کہ نتیجہ خیز بات چیت کے بعد حکومت ہر سال ڈھائی سو سے تین سو ارب روپے بچانے کے قابل ہوجائے گی۔
وزیر توانائی نے کہا کہ چینی کمپنیوں کے ساتھ بھی بات چیت جاری ہے۔
