وزیراعظم شہباز شریف نے کہا ہے کہ خیبرپختونخوا کے لیے ایک سو ساٹھ ارب روپے مالیت کے ترقیاتی اور سکیورٹی پیکیج کو حتمی شکل دے دی گئی ہے۔
آج اسلام آباد میں وفاقی کابینہ کے اجلاس کی صدارت کرتے ہوئے انہوں نے کہا کہ صوبے میں امن و امان حکومت کی اولین ترجیح ہے۔
وزیراعظم نے مسلح افواج اور صوبے کی نئی حکومت کے باہمی تعاون سے خیبرپختونخوا سے دہشت گردی کے ناسور کے خاتمے کے غیر متزلزل عزم کا اظہار کیا۔
