وزیرخزانہ محمد اسحق ڈار نے جاپانی سرمایہ کاری منصوبوں کوخوش آئند قرار دیا ہے اور جاپانی کمپنیوں کو پاکستان کے مختلف شعبوں میں سرمایہ کاری کی پیشکش کی ہے ۔
انہوں نے یہ بات جاپان کے سفیر MITSUHIRO WADA سے آج اسلام آباد میں ملاقات میں کہی۔
وزیرخزانہ نے معاشی استحکام اور ترقی کیلئے حکومتی معاشی پالیسیوں اوراصلاحات کے حوالے سے جاپانی سفیر کو آگاہ کیا ۔انہوں نے کہاکہ جاپان پاکستان کے بڑے ترقیاتی شراکت داروں میں شامل ہے اور انھیں پختہ یقین ہے کہ یہ تعاون دونوں ملکوں کے باہمی فائدے کیلئے مختلف شعبوں میں مزید مستحکم ہوگا۔جاپان کے سفیر نے حکومت کی ٹھوس پالیسیوں اور اقدامات کوسراہا اورکہاکہ جاپان پاکستان کے ساتھ دوطرفہ تعلقات کو انتہائی قدر کی نگاہ سے دیکھتا ہے ۔انہوں نے موجودہ حکومت کی معاشی پالیسیوں کی بھی تعریف کی اور یقین دلایا کہ آئندہ دنوں میں دونوں ملکوں کے درمیان کاروباری سرمایہ کاری اور معاشی روابط مزید مستحکم ہوںگے۔