وزیر اعظم شہباز شریف سے ڈپٹی چیئرمین سینیٹ سیدال خان نے آج اسلام آباد میں ملاقات کی جس میں مجموعی صورتحال پر تبادلہ خیال کیا گیا۔

شہباز شریف نے کہا کہ عوامی فلاح کے حوالے سے قانون سازی میں سینیٹ کا کردار انتہائی اہم ہے۔

انہوں نے کہا کہ ایوان بالا قومی یکجہتی اور صوبائی ہم آہنگی کے لیے فعال کردار ادا کر رہا ہے۔

ڈپٹی چیئرمین سینیٹ سیدال خان نے معیشت کی بحالی کے حوالے سے حکومتی کوششوں کو سراہا۔

ڈپٹی چیئرمین نے بلوچستان کی ترقی کے لیے وزیراعظم کے اقدامات کی بھی تعریف کی۔