یونیسکو نے پاکستان کے ورثے اور ثقافت کے تحفظ کے لیے تعاون جاری رکھنے کا عزم ظاہر کیا ہے۔

اس عزم کا اظہارپاکستان میں یونیسکو کے نمائندے فواد پاشائیف نے وزیرِ قومی ورثہ و ثقافت اورنگزیب خان کچھی سے اسلام آباد میں ملاقات کے دوران کیا۔

فواد پاشائیف نے رباب اور ستار جیسے ثقافتی عناصر کی یونیسکو کے تحت عالمی ورثے کی فہرست میں شمولیت کے لیے پاکستان کی جانب سے مشترکہ اور کثیر ملکی نامزدگیاں پیش کرنے کی کوششوں کو سراہا۔