نجکاری کے وزیر عبدالعلیم خان نے کہا ہے کہ پاکستان اور روس کے درمیان مختلف شعبوں میں مشترکہ طورپر کام کرنے کی وسیع گنجائش موجود ہے ۔

انہوں نے یہ بات آج(منگل کو) ماسکو میں پاکستان اور روس کے تجارت اور سرمایہ کاری فورم کے پہلے اجلاس سے خطاب کرتے ہوئے کہی۔

انہوں نے اس اعتماد کا اظہار کیاکہ یہ فورم دونوں ملکوں کے درمیان نئے دوطرفہ تعلقات کا آغاز ہے۔

وزیر نجکاری نے پاکستان میں کاروبار کیلئے پرکشش اورسازگار ماحول کو اُجاگر کیا ۔

اس موقع پر روس میں پاکستان کے سفیر محمد خالد جمالی نے پاکستان اور روس کے درمیان دوطرفہ تجارت کے حجم پراطمینان کااظہارکیا جو ایک ارب ڈالر سے تجاوز کرچکا ہے۔

انہوں نے کہا کہ پاکستان اقتصادی تعلقات بڑھانے کے لئے روس کے ساتھ کام کرنے کا خواہش مند ہے۔