خیبرپختونخواکے قدرتی آفات سے نمٹنے کے ادارے نے کل سے اتوارتک صوبے کے بیشتر حصوں میں وقفے وقفے سے بارش کا انتباہ جار ی کیا ہے۔

تمام ڈپٹی کمشنروں کو اس عرصہ کے دوران کسی جانی یا مالی نقصان سے بچنے کیلئے حفاظتی اقدامات کی ہدایت کی گئی ہے۔

سیاحوں سے کہا گیا ہے کہ وہ بھی اس ہفتے کے دوران پہاڑی علاقوں میں جانے سے گریز کریں۔

کنٹرول روم کو فعال کردیا گیا ہے جو چوبیس گھنٹے کام کرے گا اور کسی بھی ہنگامی صورتحال میں ہیلپ لائن1700 پر اطلاع دی جاسکتی ہے۔