وزیراعظم یوتھ پروگرام کے چیئرمین رانا مشہود احمد خان نے کہا ہے کہ وفاقی حکومت نوجوانوں کو بااختیار بنانے کیلئے مکمل طور پر پرعزم ہے اور وہ اس مشن میں تمام صوبائی حکومتوں کی حمایت کیلئے تیار ہے۔
انہوں نے پشاور میں ایک تقریب سے خطاب کرتے ہوئے کہاکہ وفاقی حکومت خیبرپختونخوا کے نوجوانوں کو کبھی مایوس نہیں کرے گی اور انہیں جدید مہارتوں اور ٹیکنالوجی سے لیس کرنے کیلئے ہرممکن تعاون فراہم کرے گی۔
انہوں نے کہا کہ وزیراعظم اس سلسلے میں جلد پالیسی جاری کریں گے جس کا مقصد ملک بھر کے نوجوانوں کو ترقی اور بااختیار بنانے کے مواقع فراہم کرنا ہے۔
