بھارتی افواج نے نہتے پاکستانی شہریوں پر حملے کرکے جنگی جرائم کا ارتکاب کیا ہے۔

بھارت نے پہلگام فالس فلیگ آپریشن کے جھوٹ کا سہارا لے کر پاکستان کیخلاف کھلی جارحیت کا ارتکاب کیا۔

ذرائع کے مطابق بھارت نے نہ صرف پاکستان کیخلاف جارحیت کی بلکہ نہتے معصوم شہریوں کو ہدف بنا کر جنگی جرائم بھی کئے۔بھارتی فضائیہ کے ایئر مارشل اے کے بھارتی نے خود اعتراف کیا کہ اگرکوئی عام شہری مارے بھی گئے ہیں ہیں تو ان کو گننا ہمارا کام نہیں ہے۔

بھارتی افواج کی چھ اورسات مئی کوکھلی جارحیت میں چالیس عام شہری جن میں پندرہ معصوم بچے،سات خواتین اوراٹھارہ مرد شہید ہوئے ۔

سکیورٹی ذرائع کے مطابق بھارتی جارحیت میں ایک سواکیس پاکستانی شدیدزخمی ہوئے جن میں دس خواتین اورستائیس معصوم بچے شامل ہیں۔

بھارتی جارحیت کا مقابلہ کرتے ہوئے مسلح افواج بشمول پاک فضائیہ اور آرمی کے کل 13 بہادرجوان بھی شہید ہوئے۔

دفاعی ماہرین کے مطابق نہتے اور معصوم شہریوں کے شہید ہونے کے شواہد ثبوت ہیں کہ بھارتی افواج نے بین الاقوامی قوانین کی خلاف ورزی کی۔اقوام متحدہ اور دیگر انسانی حقوق کے اداروں کو بھارت کے اس اقدام پر انصاف کے کٹہرے میں لانا چاہئے۔

 دفاعی ماہرین کے مطابق پاکستانی افواج نے اپنے دفاع میں جتننے بھی جوابی حملے کئے اس میں صرف اور صرف فوجی تنصیبات کو نشانہ بنایا گیا۔