یوم تشکر کے موقع پر پاکستانی سفارتخانہ واشنگٹن ڈی سی میں پرچم کشائی کی پروقار تقریب ہوئی۔
تقریب سے خطاب کرتے ہوئے پاکستانی سفیر رضوان سعید شیخ نے کہا کہ کامل ایمان ، یقین اور ثابت قدمی کے ساتھ بھارت کی جارحیت کا مقابلہ کیا۔
سفیر پاکستان نے کہا کہ دنیا نے دیکھا کہ پاکستانی قوم نے من الحیث القوم اپنے عہد آزادی کی تجدید کی۔
رضوان سعید شیخ نے کہا کہ یومِ تشکر کے موقع پر جہاں ہم خداوند کریم کے سامنے سربسجود ہیں وہاں اپنی مسلح افواج کے شکر گزار ہیں جو ہماری آزادی کی ضامن ہیں۔ سفیر نے ملکی سالمیت کی بقا کےلئے جانوں کا نذرانہ پیش کرنے والوں سے اظہار تشکر کیا۔
انہوں نے کہا کہ ہم نے ثابت کیا کہ پاکستانی قوم اپنے وطن کی نظریاتی ، جغرافیائی سرحدوں کی حفاظت کے لئے خون کا آخری قطرہ تک بہانے کے لئے تیار ہے۔
