اسلام کے خلاف پروپیگنڈے کی روک تھام کے بارے میں اقوام متحدہ میں قرار داد کی منظوری پر قوم آج یوم تشکرمنارہی ہے۔ریڈیو پاکستان اسلام کیخلاف رجحان کے بارے میں خصوصی پروگرام نشرکرے گا جبکہ پاکستان ٹیلی ویژن اس سلسلے میں خصوصی نشریات چلائے گا جن میں اس مسئلے سے نمٹنے کے لئے وزیراعظم کی انتھک کوششوں کواجاگرکیاجائے گا۔بڑے شہروں کی مساجدمیں جمعہ کے خطبات میں اسلاموفوبیاپرروشنی ڈالی جائے گی۔امریکہ، یورپی یونین اورخلیج تعاون کونسل سمیت اہم ملکوں میں سفارتخانے اسلام کیخلاف رجحان سے نمٹنے میں پاکستان کے کردارکواجاگرکرنے کے لئے تقریبات کااہتمام کریں گے۔