وزیراعظم محمد شہباز شریف نے کہا ہے کہ بلوچستان کی ترقی اور فلاح و بہبود وفاقی حکومت کی اولین ترجیحات میں شامل ہے۔
وہ گورنر بلوچستان ملک عبدالولی کاکڑ سے گفتگو کر رہے تھے جنہوں نے جمعرات کو اسلام آباد میں ان سے ملاقات کی۔
ملاقات میں ملک کی مجموعی سیاسی صورتحال کے علاوہ صوبہ بلوچستان کے انتظامی امور پر بھی تبادلہ خیال کیا گیا۔وزیراعظم نے کہا کہ پاکستان کی ترقی بلوچستان کی ترقی کے بغیر ادھوری ہے۔