اقوام متحدہ میں پاکستان نے غزہ میں مستقل اور غیر مشروط جنگ بندی کے مطالبے کااعادہ کیا ہے۔
یہ مطالبہ اقوام متحدہ میں پاکستان کے مستقل نمائندے سفیر عاصم افتخار احمد نے نیو یارک میں اقوام متحدہ کی سلامتی کونسل کے اجلاس کے دوران غزہ میں انسانی صورتحال پر بریفنگ دیتے ہوئے کیا۔
سفیر نے اس بات پر زور دیا کہ اقوام متحدہ کی سلامتی کونسل کو تنازعہ فلسطین کو دو ریاستی حل کی بنیاد پر حل کرنا چاہیے جس میںانیس سوسڑسٹھ سے پہلے کی سرحدوں کے ساتھ القدس الشریف کو ایک خودمختار اور آزاد فلسطینی ریاست کا دارالحکومت تسلیم کیا جائے۔
