بھارت کے غیر قانونی زیر قبضہ جموںوکشمیر میں کل جماعتی حریت کانفرنس کے غیر قانونی طور پر نظر بند چیئرمین مسرت عالم بٹ نے کہا ہے کہ کشمیریوں کا بنیادی مطالبہ بھارت کے غیر قانونی قبضے سے آزادی حاصل کرنا ہے۔
مسرت عالم بٹ نے نئی دلی کی بدنام زمانہ تہاڑ جیل سے اپنے پیغام میں کہا کہ بھارت نے محض فوجی طاقت کے بل پر جموںوکشمیر پر قبضہ جما رکھا ہے۔
انہوں نے کہا کہ کشمیری عوام نے حالیہ اسمبلی انتخابات کے ذریعے مودی حکومت کی کشمیردشمن پالیسوں کے خلاف اپنے غم و غصے کا بھر پور اظہار کیا۔
مسرت عالم بٹ نے واضح کیا کہ کشمیر ی اقوام متحدہ کی قراردادوں کے مطابق حق خود ارادیت ملنے تک اپنی جدوجہد ہر قیمت پرجاری رکھیں گے۔
