کل جماعتی حریت کانفرنس نے بھارت کے غیر قانونی زیر قبضہ جموں وکشمیر میں چھ نومبر کو     یوم شہداء منانے کا مطالبہ کرتے ہوئے اقوام متحدہ کے تسلیم شدہ حق خودارادیت کے حصول تک جدوجہد جاری رکھنے کا اعادہ کیا ہے۔

حریت کانفرنس کے ترجمان عبدالرشید منہاس نے سرینگر سے جاری کئے گئے ایک بیان میں نومبر 1947 میں جموں کے قتل عام کو انسانی تاریخ کا بدترین سانحہ قرار دیا ہے۔

ادھر آج سے شروع ہونے والے کشمیر اسمبلی کے پانچ روزہ اجلاس کے پیش نظر پورے مقبوضہ جموں و کشمیر میں سیکورٹی کے سخت اقدامات کئے گئے ہیں۔

قابض حکام نے علاقے میں بھارتی فوج کی بھاری نفری تعینات کردی ، بڑے پیمانے پرچوکیاں قائم کردیں اور تلاشی کی بڑے پیمانے پر کارروائیوں کے دوران متعدد بے گناہ نوجوانوں کو گرفتار کرلیا۔