صدر آصف علی زرداری نے ملائیشیا کے سابق وزیراعظم ڈاکٹر مہاتیر محمد کی اہلیہ ڈاکٹر سیتی حسمہ محمد علی کے انتقال پر گہرے دکھ اور افسوس کا اظہار کیا ہے۔
ایک بیان میں صدر نے اس افسوسناک سانحے پر ڈاکٹر مہاتیر محمد، ان کے خاندان اور ملائیشیا کی عوام سے دلی تعزیت کا اظہار کیا۔
انہوں نے کہا کہ طب، صحت عامہ اور سماجی بہبود کے شعبوں میں ڈاکٹر سیتی حسمہ کی طویل اور نمایاں خدمات کو احترام سے یاد رکھا جائے گا۔
صدر نے اللہ تعالیٰ سے مرحومہ کی مغفرت اور ڈاکٹر مہاتیر محمد اور سوگوار خاندان کو یہ ناقابلِ تلافی نقصان برداشت کرنے کے لیے صبر و حوصلہ عطا کرنے کی دعا کی۔
