خیبرپختونخوا کے گورنر فیصل کریم کنڈی نے آج ڈیرہ اسماعیل خان کے کمبائنڈ ملٹری اسپتال کا دورہ کیا اور ٹانک کے منجھی خیل چیک پوائنٹ سانحے میں زخمی اہلکاروں کی عیادت کی۔
اس موقع پر گفتگو کرتے ہوئے فیصل کریم کنڈی نے کہا کہ فتنہ الخوارج کو منہ توڑ جواب دینے والے ہمارے بہادر جوان قوم کیلئے باعث افتخار ہیں۔
انہوں نے منجھی خیل چیک پوسٹ واقعے میں زخمی اہلکاروں کی جلد صحت یابی کی دعا کی۔
بعدمیں گورنر خیبرپختونخوا نے واقعے کے شہدا کے ایصالِ ثواب کیلئے فاتحہ خوانی کی اور ان کے اہل خانہ سے تعزیت کی۔
