پاکستان نے عالمی سلامتی کی بدلتی ہوئی صورتحال کے تناظر میں اقوام متحدہ کی امن فوج کی مؤثر اور بامقصد حیثیت یقینی بنانے کے لیے مسلسل سیاسی حمایت پر زور دیا ہے۔
نیویارک میں سلامتی کونسل کے مباحثے میں حصہ لیتے ہوئے اقوام متحدہ میں پاکستان کے مستقل مندوب عاصم افتخار احمد نے کہا کہ اقوام متحدہ کو امن فوج کی مستقبل کی ضروریات کو مدنظر رکھتے ہوئے ضروری صلاحیتوں کے حصول کی تیاری کرنی چاہیے۔
عاصم افتخار احمد نے اقوام متحدہ کی امن فوج میں پاکستان کی دیرینہ خدمات کو اجاگر کرتے ہوئے کہا کہ ایک لاکھ ستر ہزار سے زائد پاکستانی امن فوجیوں نے اقوام متحدہ کے پرچم تلے فرائض سرانجام دیے، جن میں سے ایک سو تراسی نے امن کے لیے اپنی جانوں کا نذرانہ پیش کیا۔
