نیشنل ڈیزاسٹر مینجمنٹ اتھارٹی کے نیشنل ایمرجنسی آپریشن سینٹر نے پنجاب اور اسلا م آباد کے مختلف علاقوں میں آئندہ 12 گھنٹوں کے دوران ممکنہ شدیدموسمی صورتحال کے بارے میں ایڈوائزری وارننگ جاری کی ہے۔

مغربی موسمی سلسلے کے باعث پاکستان کے متعدد علاقوں میں شدید موسمی صورتحال پیدا ہونے کا امکان ہے، جس کے نتیجے میں گرج چمک کے ساتھ موسلادھار بارش، آندھی، اورمتعد د مقامات پر ژالہ باری کا امکان ہے۔

این ڈی ایم اے نے سیاحوں اور مسافروں سے درخواست کی ہے کہ وہ موسم کی تازہ ترین خبروں سے باخبر رہیں اورسفرکے آغاز سے قبل سڑکوں کی صورتحال کا جائزہ ضرور لیں اور تیز بارش کے دوران غیر ضروری نقل و حرکت سے گریز کریں۔

این ڈی ایم اے نے عوام سے گزارش کی ہے کہ سفر کرنے سے پہلے موسم کی اپ ڈیٹس کے بارے میں آگاہ رہنے کے لیے پاک این ڈی ایم اے ڈیزاسٹر الرٹ ایپ سے رہنمائی لیں۔