میانوالی کی تحصیل پپلاں کے پسماندہ اور دریاٸے سندھ کے کنارے واقع علاقہ کچہ گجرات کا بنیادی مرکز صحت فعال کردیا گیا۔
بنیادی مرکز صحت کی بحالی کچہ گجرات کے مکینوں کا دیرینہ مطالبہ تھا جس سے اُن کو صحت کی سہولیات دہلیز پر میسر آئیں گی۔
اس سلسلے میں ایک تقریب منعقد ہوئی جس کے مہمان خصوصی مسلم لیگ (ن) کے ضلعی صدر اور سابق ایم پی اے ملک محمد فیروز جوٸیہ اور ڈپٹی کمشنر خالد جاوید گوراٸیہ تھے۔
تقریب میں اہل علاقہ نے کثیر تعداد میں شرکت کی۔ شرکاء نے وزیراعلیٰ پنجاب مریم نواز شریف کا شکریہ ادا کیا جنہوں نے بی ایچ یو کو فعال کروا کر اہل علاقہ کا ایک دیرینہ مطالبہ پورا کیا۔
